|
|
| Pagpatay kay Bert Sison, ipinasisiyasat ni PGMA | |
| Ipinasisiyasat na mabuti ng Pangulong Gloria Macapagal-Arroyo
ang pagpaslang sa mamamahayag na si Bert Sison, 60, sa Sariaya, Quezon Lunes
ng gabi. Sa press briefing kaninang hapon sa Malakanyang, sinabi ni Kalihim Pampahayagan Jesus Dureza na dapat lamang madakip ang mga may kagagawan ng karumal-dumal na pagpatay na ito. Napag-alamang pinaslang ng dalawang nakamotorsiklong tao si Sison at nasugatan ang isang anak nito, habang ang isa pa ay nagkunwaring patay na kaya hindi naano. Si Sison ay brodkaster ng himpilang DZAT at korespondent ng linggu-hang “Regional Bulletin”. Tinambangan siya habang papauwi nang maghahating-gabi n Lunes, kasama ang dalawang anak na babae. Ayon sa pulisya, nabaril din ng mga salarin ang 30 taong gulang na anak ni Sison, na si Liwayway Andaya, sa kamay habang tumatakbo itong palayo sa sasakyan. Si Amirah Sison, 24 na taon, anak din ni Sison, ay hindi naano dahil nagkunwari siyang patay. Ang magkapatid ay korespondent din ng “Regional Bulletin” na programa ni Mallari na nag-uulat ng mga pangyayaring may kaugnayan sa mga krimen at may mga artikulo ring tumutuligsa sa ilang pulitiko. |
|
| Nagpasalamat si PGMA sa PAF sa pangangalaga sa kanya. Sa kanyang pamilya at sa buong bansa | |
| LAPU-LAPU CITY, Sebu—Ipinahayag ng Pangulong Gloria
Macapagal-Arroyo ang pagkilala ng utang na loob sa buong Lakas na
Panghimpa-pawid ng Pilipinas sa pangangalaga sa kaligtasan ng pamilya niya
at sa bansa sa kabuuan. Ang pagpapasalamat ay ginawa ng Pangulo sa talumpati sa pagdiri-wang ng ika-61 taon ng pagkakatatag ng PAF na idinaos sa Mactan Benito Ebuen Airbase (MBEAB) sa lungsod na ito ngayong araw na ito. Sinimulan ng Pangulo ang talumpati niya sa pagsasabing ipinauubaya niya ang kanyang buhay sa pangangalaga ng Air Force at pinagpu-gayan ang buong PAF sa pagsapit ng anibersaryo nito. Inihayag ng Pangulo na ang security team niya, lalo na ang Presiden-tial Security Group kung saan ang puno nito, Brig. Hen. Celedonio Boquiren ay buhat sa PAF. Binanggit din ng Panguoo na ang pinalitan ni Hen. Boquiren na si Brig. Hen. Romeo Prestoza na puno ngayon ng Intelligence Service ng AFP, ay buhat din sa Air Force samantalang ang puno ng Presidential Guard Battalion, Ten. Koronel Ralph Mamauwag ay galing din sa Air Force. Sinabi ng Pangulo na ang commanding general ng PAF, Lt. General Pedrito Cadungod ang puno ng Presidential wing. |
|
| Bumalik si PGMA sa Aklan para mamigay ng tulong | |
| KALIBO, Aklan—Bumalik dito kanina ang Pangulong
Gloria Macapagal-Arroyo upang pamahalaan at pabilisan ang pamimigay ng
tulong at mga bagay na may kaugnayan sa rehabilitasyon ng lalawigan na
pina-kamalubhang nasalanta ng bagyong Frank noong Hunyo 21. Ika-4:30 ng hapon dumating ang Pangulo sa paliparan ng Kalibo pagka-tapos ng pulong ng Regional Disaster Coordinating Council 4) sa San Jose, Romblon. Tumuloy agad ang Pangulo sa Baranggay Mobo at pinangunahan ang pamimigay ng family packs mula sa DSWD na may lamang bigas, noodles at de lata sa bakuran ng paaralan ng baranggay. Masiglang sinalubong ang Pangulo ng may 1,000 mamamayan ng Aklan sa pangunguna ni Gob. Carlito Marquez, Alkalde Raymar Rebalde at Chairman Wendell Tayco ng Mobo. Nagpasalamat pa rin si Alkalde Rebalde na araw bumaha nang mahigit na dalawang oras, bagaman nalungkot siya dahil nasawi pa rin ng mabilis na agos ng baha ang dalawa niyang kababayan at mahigit na 1,400 ang napinsala ng baha. Tiniyak ng Pangulo kay Tayco ang tulong pangkabuhayan, lalo na sa paggugulayan na hanapbuhay ng baranggay. Narito kahapon ang Pangulo at namigay ng 5,450 pakete ng family packs, 58 kahong gamot, at 1,000 kumot para sa mga pamilyang nabaha sa 17 bayan ng Aklan. Ipinaalam ni Gob. Marquez sa Pangulo na12,805 na bahay ang nagiba at 32,059 ang nasira nang bahagya. Pinatutulungan ng Pangulo sa DPWH at sa MMDA ang tagarito para malinis ang banlik at iba pang nakakalat sa maraming dako na dala ng baha at malakas na hangin. |
|
| Panawagan ni PGMA sa PAF na ipagpatuloy ang pambihira nilang pagsisikap tungo sa kapayapaan at kasaganaan | |
| LAPU-LAPU CITY—Nanawagan ang Pangulong Gloria
Macapagal-Arroyo sa mga pinuno at tauhan ng Lakas na Panghimpapawid ng
Pili-pinas na ipagpatuloy ang pambihira at dakila nilang gawain magkaroon ng
kapayapaan, kapanatagan at tulungan ang bansa na mahanay sa First World sa
susunod na dalawampung taon. Sinabi ng Pangulo sa pagdiriwang ng ika-61 anibersaryo ng PAF na idinaos sa Mactan Ebuen Air Base dito na sa paglilingkod nila, tumu-long din silang makaakit ng suporta at bumuhay ng pag-asa. Tiniyak ng Pangulo na magiging daan ito para maging payapa ang bansa na ngayon ay paangat na at umaasang mahahanay sa pinakama-uunlad na bansa sa daigdig sa susunod na dalawampung taon. Ayon sa Pangulo, sisikapin ni Kalihim ng Tanggulan Gilbert Teodoro na maging laging sapat ang MOOE ng PAF para sa petroleo, langis, piyesa at iba pang gamit nila. Hiniling ng Pangulo sa PAF na umimbulog sa paglipad, lumipad nang ligtas at gampanan ang kanilang tungkulin bilang mapagkalingang pakpak ng bansa natin. Ang mga pinuno at tauhan ng Air Force, sabi ng Pangulo, ay kasama sa 10 porsiyentong dagdag na sahod ng mga tauhan ng pamahalaang pambansa. |
|
| Padating na bagong eroplano ng RP, inihayag ni PGMA | |
| LAPU-LAPU CITY, Sebu—Mga
bagong eroplano ang darating at lala-anan ng gugol ang mga air craft
training upang mapabuti ang defense system ng Pilipinas. Sinabi ng Pangulong Gloria Macapagal-Arroyo sa talumpati sa ika-61 anibersaryo ng Lakas na Panghimpapawid ng Pilipinas na idinaos sa Mactan Benito Ebuen Airbase dito na sa 10 araw na working visit niya sa Estados Unidos ay naihinang niyang lalo ang magandang samahan ng mga bansa para patuloy na magawa ang Philippine Defense Reform plan, lalo na ang Capability Upgrade Program. Binanggit ng Pangulo na nakausap niya ang Pangulong Bush, ang Espiker ng Kapulungan ng mga Kinatawan ang Senate Majority leader at iba pang mahalagang pinuno para tumulong sa ekonomya, kasapa-tan sa pagkain at ibayong tulungang militar. Binigyang diin n Pangulo na hindi lamang sa tulong ng Estados Unidos siya aasa para tustusan ang modernisasyon natin, kundi sa mga bunga ng reporma ng Value Added Tax (VAT). Inihayag ng Pangulo ang darating na primary at basic trainer aircraft, kaya hindi mauubusan ng eroplano ang PAF at maiiwasan ang pag-alis ng ating mga piloto sa PAF. Pinuri ng Pangulo ang PAF reservists na kinabibilangan ni Kalihim Gilbert Teodoro sa paglilingkod sa PAF. |
|
